اطباء جامعة بنها يتقدمون بالشكر والتقدير لعم هلال
بطل الإخلاص في العمل
كتب/ د محمد الشاعر
الراجل اللى فى الصورة ده اسمه عم هلال شغال في كلية زراعة مشتهر
عم هلال اول واحد بيروح الكلية الصبح لو هنتكلم على شغله نقدر نقول بكل بساطة إن مسطح الكلية كله مسئولية الراجل ده إللى هوا رئيس العمال المسطح اللى بيكون اخر النهار متبهدل والورق فى كل مكان تاني يوم الصبح بتلقيه نضيف ، الراجل ده من اكتر الناس إلى عندها ضمير واخلاص فى العمل وزي ما بييجي اول واحد الصبح بيمشي اخر واحد تقريبا ،
الراجل ده لما تقعد معاه هتلاقيه مثقف جدا وعنده معلومات وأفكار كتير تحب كلامه وتستفيد منه كمان
الراجل ده يستحق كلمة شكر مننا لأنه مثال الاخلاص والتفاني فى العمل
ياريت قبل ما نرمي ورقة نفتكر أن فيه ناس هتتعب وهي بتشيلها لما هنحط الورقة أو الكيس ده فى مكانه
هنريح ناس كتير اوى والله
شكرا عم هلال ♥️♥️
