“إيه كيف القلع؟”.. تامر أمين يوجه رسالة لمحمد رمضان بعد ظهوره عاري الصدر في حفله بالعلمين
وجه الإعلامي تامر أمين رسالة شديدة اللهجة للفنان محمد رمضان، بعد ظهوره عاري الصدر بحفله الغنائي بمدينة العلمين بالساحل الشمالي.
وقال “أمين” من خلال برنامجه آخر النهار: “مش عارف إيه كيف القلع ده؟ أصل ده كيف.. ليه في كل حفله لازم أقلع؟.. الدنيا حر؟ ما هي حر علينا كلنا.. أجيلكوا هنا البرنامج ملط؟ يعني ينفع أجي أقدم “التوك شو” بالبنطلون بس؟ وأقولكوا معلش أصل الجو حر أو أنا بعمل موضة؟”.
وأضاف: “مش عارف ليه الموازين في دماغ الناس مش منضبطة ليه؟ خصوصا لو مش محتاج، مع فارق التشبيه زي لما تلاقي حد بيسرق وتظبطه وتكتشف إنه مليونير.. بتسرق ليه يابني؟ أهو كده.. طمع.. إنما تلاقي حد تاني بيسرق فيطلع بيسرق عشان يلاقي لقمة عيش ياكلها، السرقة حرام في كل الأحوال”.
وأردف: “فاللي مش محتاج المفروض ميعملش “بالو”، اللي يعمل كده حد صغير أو نكرة أو مش معروف وعايز يعمل تريند أو عايز يعمل حاجة استثنائية عشان الناس تشاور عليه”.
للمزيد : تابعنا هنا ، وللتواصل الاجتماعي تابعنا علي فيسبوك وتويتر .
